Daha 10 min işsizə birdəfəlik ödəmə verildi

  10 Aprel 2020    Oxunub : 4128
 Daha 10 min işsizə birdəfəlik ödəmə verildi
Əmək və Əhalinin Sosial Müdafiəsi Nazirliyi tərəfindən daha 10 min işsiz şəxs üçün birdəfəlik ödəmə bank filiallarına və poçt şöbələrinə köçürülüb.

Azvision.az xəbər verir ki, bu barədə Nazirliyin İctimaiyyətlə əlaqələr və kommunikasiya şöbəsinin müdiri Fazil Talıbov bildirib.
Nazirlik rəsmisi deyib ki, bu barədə həmin şəxslərin müraciət edərkən qeyd etdikləri telefon nömrəsinə SMS göndəriləcək.

"Mesajı aldıqdan sonra onlar evdən çıxmaq üçün müvafiq qaydada icazə alaraq, SMS-də “Azərpoçt” MMC qeyd edilibsə - istənilən poçt şöbəsinə, SMS-də bank göstərilibsə - həmin bankın istənilən filialına şəxsiyyət vəsiqəsi ilə müraciət edib vəsaitlərini ala bilərlər. Dünəndən işsiz şəxslərin birdəfəlik ödəmə ilə təminatına başlanıb və dünən də 10 min şəxsə ödəniş edilib. İşsiz kimi qeydiyyata alınan şəxslərə ödəmələrin verilməsi gündəlik olaraq davam edəcək və digər işsiz şəxslər də bu dəstəklə təmin olunacaqlar", - deyə F.Talıbov qeyd edib.

Azvision.az

Teqlər: ƏƏSMN   Ödəmə