Bu gün prezident İlham Əliyevin sərəncamı ilə "Bakı Metropoliteni" Qapalı Səhmdar Cəmiyyəti yaradılıb. Ölkə başçısı Zaur Mir Tofiq oğlu Hüseynovu "Bakı Metropoliteni" Qapalı Səhmdar Cəmiyyətinin sədri təyin edib. Bakı Metropoliteninin rəisi Tağı Əhmədov tutduğu vəzifədən azad edilib.
Qeyd edək ki, Tağı Əhmədov 1 fevral 1948-ci ildə Naxçıvan Muxtar Respublikası Şahbuz rayonunun Yuxarı Remeşin kəndində anadan olub.
1965-ci ildə Naxçıvan Kənd Təsərrüfatı Texnikumunu, 1977-ci ildə Azərbaycan Politexnik İnstitutunu, 1987-ci ildə Azərbaycan İnşaat Mühəndisləri İnstitutunu bitirib. 1965-ci ildən "Badamlı" zavodunda fəhlə, 1970-1994-cü illərdə Bakı Metropoliteninin tunel qurğuları və yol xidmətində tunel fəhləsi, böyük tunel ustası, distansiya rəisi, 1994-1998-ci illərdə tunel qurğuları xidmətinin rəisi vəzifələrində işləyib. 1997-ci ildən Azərbaycan Memarlıq və İnşaat Universitetinin aspirantıdır. "Tunellərin zəlzələyə davamlılığı" mövzusunda tədqiqat işi aparır. Azərbaycan Dama Federasiyasının vitse-prezidentidir.
1998-ci ildən etibarən Azərbaycan Resbulikası Prezidentinin sərəncamı ilə Bakı metropoliteninin rəisi işləyib.
Şahanə Rəhimli
Tağı Əhmədovun maraqlı VİDEOLARI
27 Fevral 2014
Oxunub:1617
Vaxtında, Aydın, Lazımlı!
a-1727681504.jpg&h=200&w=200&zc=2&q=70)
