Martın 3-də Londonun “Hallam” konfrans mərkəzində Avropa Azərbaycan Cəmiyyətinin və Azərbaycan Milli Aviasiya Akademiyasının ictimai elmlər kafedrasının birgə təşkilatçılığı ilə “Qafqazda konfessiyalar” adlı beynəlxalq elmi konfrans işə başlayıb.
Cəmiyyətdən AzVision.az-a bildiriblər ki, konfransın rəsmi açılışında çıxış edən Avropa Azərbaycan Cəmiyyətinin (TEAS) direktoru Lionel Zetter tədbirin elmi əhəmiyyətini vurğulayıb, Azərbaycanda mövcud olan milli və dini tolerantlıqdan söz açmışdır. L.Zetter bildirmişdir ki, iki gün davam edəcək konfrans Azərbaycanın tarixi reallıqlarının, Qafqazın tarixində dini konfessiyaların yerinin və rolunun elmi əsaslandırılması baxımından mühüm əhəmiyyətə malikdir.
Londonun Müqəddəs Pavel baş kilsəsinin dekanı Devid Ayson təmsil etdiyi Anqlikan kilsəsi adından tədbir iştirakçılarını salamlayıb, Böyük Britaniyada kilsənin mühüm rolundan danışıb. D.Ayson Böyük Britaniyanın, xüsusilə də Londonun dini-etnik mənzərəsinin rəngarəng olduğunu vurğulayıb. Buna baxmayaraq, Böyük Britaniyada bütün dini icmaların hüquqlarının təmin olduğu, onların inkişafı üçün hər cür şəraitin yaradıldığı qeyd edilib.
Konfrans plenar iclasdan sonra işini müxtəlif bölmələr üzrə davam etdirib. İlk bölmə qədim konfessiyalardan olan Zərdüştlüyün və İudaizmin tarixinə həsr edilib. Növbəti bölmədə alban Apostol kisəsinin tarixinə və alban yazısına dair elmi məruzələr dinlənilib.
Konfrans Qafqazdakı konfessiyalarla bağlı bölmələrlə işini davam etdirir.
Londonda `Qafqazda konfessiyalar` konfransı
04 Mart 2014
Oxunub:1103
Londonda `Qafqazda konfessiyalar` adlı beynəlxalq elmi konfrans keçirilir .
Vaxtında, Aydın, Lazımlı!
-1649406245.jpg&h=190&w=280&zc=1&q=100)
a-1727681504.jpg&h=200&w=200&zc=2&q=70)
