Erməni deputat çürümüş əsgərin fotosunu paylaşdı

  05 İyun 2021    Oxunub :788
Erməni deputat çürümüş əsgərin fotosunu paylaşdı
Ermənistan parlamentinin “Çiçəklənən Ermənistan” fraksiyasının deputatı Naira Zohrabyan müharibə zamanı ölmüş erməni əsgərlərindən birinin morqdakı fotosunu yayıb.
Azvision.az xəbər verir ki, buna səbəb dünən minlərlə erməninin İrəvanın mərkəzində şərab bayramında əylənməsi olub.

Zohrabyan erməni xalqını qınayaraq deyib:

"Abovyan meyitxanasında bir-birinin üstünə yığılmış erməni əsgərlərinin cəsədlərini gördükdən sonra, dünən Saryan küçəsi boş olmalı idi. Mən ravvin deyiləm və vətənpərvərlikdən kədərlənmək mənim rolum deyil, amma dünən baş verənlər küfr idi... Qəddar insan da deyiləm. Ancaq dünən öz şərabını satanlar görsünlər deyə öldürülən 19 yaşlı bir əsgərin cəsədinin və ya cəsəd qalıqlarının fotosunu paylaşdım. 19 yaşındakı yaraşıqlı bir gəncdən anasına nəyi qaytardıqlarını görə bilərsiniz. Bu Armen hər birimizin oğlu ola bilər. O bizim kollektiv ayıbımızdır".

Xatırladaq ki, dünən İrəvanda ənənəvi şərab festivalı keçirilib. İnsanların bayram ab-havasında olduğu festivaldan çəkilən fotolar bəzi siyasətçilərin və ictimaiyyət nümayəndələrinin etirazına səbəb olub.



Tural Tağıyev
Azvision.az

Teqlər: Cəsəd   Morq   Ermənistan   Deputat