"Yaralı əsgərləri çıxaranda maşınını vurublar" - Şəhidin qardaşı
- İki qardaş bir bacı idik. Natiq Beyləqan rayonunun N saylı hərbi hissəsində hərbi xidmətini etmişdi. Artıq 6 il idi ki, MAXE kimi fəaliyyət göstərirdi,- deyir şəhidin qardaşı Samir Əliyev. - Könüllü olaraq hərbçi olmaq istədi. Aprel döyüşlərində və Vətən müharibəsində iştirak edib. Həmin vaxtlar burnu da qanamadı. Şücaətinə görə fəxri fərmanlar aldı.
Sonuncu atışmalar zamanı sanitar-təlimatçı kimi iki yaralı əsgəri təxliyə edən zaman maşınlarını ermənilər vurub. Məzuniyyətdə idi. Ayın 13-ü yenidən işinin başına qayıtdı. Üç günün içində qardaşımı itirdik.
Sonuncu dəfə noyabrın 16-sı saat 11-də onunla danışdım. Anamgil isə saat 5-in yarısı danışıb. Nə vaxt zəng edirdiksə, bu adam deyirdi ki, “hər şey yaxşıdır”. Ona dedim, “atam, nəsə istəyirsənmi? Cavabında “yox” dedi. Yeni evlənmişdi. Özündən sonra bir yaş 4 aylıq qızı yadigar qaldı.
Şahanə Rəhimli
AzVision.az
Teqlər: Şəhid NatiqƏliyev