Nazirlik 100 əlilə maşın verdi - FOTO
Avtomobillərin verilməsi zamanı qeyd olunub ki, iki gün öncə, aprelin 30-da möhtərəm dövlət başçımız tərəfindən imzalanan Sərəncamlar sosial cəhətdən həssas əhali qruplarının rifah halının yaxşılaşdırılmasına göstərilən Prezident qayğısının daim artmaqda olduğunu təsdiq edir. Eyni zamanda, “1941-1945-ci illər Böyük Vətən müharibəsi əlillərinin və onlara bərabər tutulan şəxslərin xüsusi avtonəqliyyatla təmin edilməsi sahəsində əlavə tədbirlər haqqında” Sərəncam imzalanması digər kateqoriyalardan olan əlillərin də xüsusi nəqliyyat vasitələri ilə təminatında yeni mühüm irəliləyişə təminat verir. Bu Sərəncama əsasən, cari ilin əvvəlinədək növbəyə dayanmış Böyük Vətən müharibəsi, Çernobıl və hərbi xidmət əlillərinin də qısa müddətdə avtomobillə tam təmin olunması həyata keçiriləcək.
Yeni minik avtomobili alan Qarabağ müharibəsi və 20 Yanvar əlilləri Azərbaycanın dinamik və hərtərəfli tərəqqisi proseslərinin əlilliyi olan şəxslərin sosial müdafiəsinin gücləndirilməsi tədbirləri ilə müşaiyət olunduğunu vurğulayıblar. Onlar əlilliyi olan şəxslərin maddi təminatı, mənzil-məişət şəraitlərinin yaxşılaşdırılması, onların cəmiyyətə inteqrasiyası istiqamətində görülən ardıcıl işlərə görə dövlətimizin rəhbərinə minnətdarlıqlarını bildiriblər.
Teqlər: