Rus diplomat: "Erməni və rus əsgərləri düşmənə

Rus diplomat: "Erməni və rus əsgərləri düşmənə sübut etdi ki..."

11:45 17 Avqust 2023 Oxunub:1520

Rusiya və Ermənistan rəsmiləri Oşakan döyüşününün 196-cı ildönümünü qeyd ediblər. AzVision.azxəbər verir ki, bu barədə yerli media məlumat yayıb.

Qeyd edilir ki, təntənəli tədbir Rusiya Federasiyasının Ermənistandakı səfirliyi İrəvandakı Rus Evi və Armavir vilayətinin administrasiyası ilə birlikdə “Oşakan qəhrəmanları” abidəsi önündə baş tutub.

Rus səfir Ermənistanda yol nişanının açılışına qatıldı

Rusiyanın Ermənistandakı səfirliyinin müşaviri Maksim Seleznev çıxış edərək xatırladıb ki, onlar hər il erməni xalqının azadlığı və müstəqilliyi uğrunda canlarından keçmiş, rus əsgər və zabitlərinin, erməni könüllülərinin xatirəsini yad etmək üçün abidənin önünə toplaşırlar.

"İndi bizə məlum olan hadisələr fonunda tarixin səhifələrini unutmaq olmaz. Xüsusilə qeyd etmək istərdim ki, Rusiya Ermənistanla dostluğa səmimi şəkildə inanır. Xalqlarımızı çoxəsrlik mədəni və sivilizasiya əlaqələri, həm də mənəvi yaxınlıq birləşdirir. 1827-ci il avqustun 17-si xalqlarımızın tarixi salnaməsinə əbədi olaraq həkk olundu. Erməni və rus əsgərləri üstün düşmən qarşısında sübut edə bildilər ki, onlar birlikdə onu məğlub edə, ayağa qalxa və qalib gələ bilərlər”, - Seleznev qeyd edib.

Onun sözlərinə görə, "19-cu əsr əsgərlərinin təcrübəsinə əsaslanaraq biz gənclərimizə əsl şücaət və qəhrəmanlığın təməl nümunələrini öyrətməliyik".

Seleznev hazırda iki ölkənin qarşılaşdığı ən ağır sınaqlardan tez bir zamanda daha güclü və birləşmiş şəkildə çıxmağı arzulayıb.

Tural Tağıyev
AzVision.az

Teqlər: Ermənistan Rusiya Diplomat