Ermənistanda ABŞ-la birgə hərbi təlimlərə start verildi

Ermənistanda ABŞ-la birgə hərbi təlimlərə start verildi
  11 Sentyabr 2023    Oxunub:1155
Ermənistanda erməni-amerikan təlimləri başlayıb.
AzVision.az xəbər verir ki, bu barədə AFP agentliyi ABŞ ordusunun Avropa və Afrikadakı nümayəndəsinə istinadən məlumat yayıb.

Qeyd edilir ki, təlimlərdə 85 amerika və 175 erməni hərbi qulluqçusu iştirak edir.

Peskov: "İrəvanın ABŞ-la təlim qərarı ciddi təhlil tələb edir"
Ermənistan Müdafiə Nazirliyinin yaydığı məlumata görə, hərbi fəaliyyətlər açılış mərasiminin keçirildiyi “Zar” sülhməramlı briqadasının təlim mərkəzinin bazasında təşkil olunacaq. Bildirilir ki, təlimlər beynəlxalq sülhməramlı missiyalarda iştiraka hazırlıq məqsədilə keçiriləcək.

Bundan əvvəl ABŞ komandanlığının mətbuat xidməti təlimlərə ABŞ 101-ci Hava Desant Diviziyasının 1-ci briqadasının və Kanzas Milli Qvardiyasının hərbçilərinin cəlb olunacağını bildirmişdi.

Bu gün isə Kreml rəsmisi Dmitri Peskov bu təlimləri müəmmalı məsələ kimi qiymətləndirib. Çünki İrəvan KTMT-nin oxşar tədbirinə yox deyib.

Tural Tağıyev
AzVision.az



Teqlər:   ABŞ   Təlim   Ermənistan  





Xəbər lenti


Azvision.az ©2014 | Bütün hüquqları qorunur