Rusiyalı siyasətçinin dediyinə görə, tankçılara rüşvət verilib ki, çəkinmədən Ali Şuranın binasına atəş açsınlar.

Rutskoy onu da qeyd edib ki, o illərdə hərbi qulluqçulara maaş verilmirmiş və bu səbəbdən onları idarə etmək daha asan olub.

"Onlar ələ alındılar. Tanklarda oturan hər kəsə böyük məbləğdə pul verilirdi. O illərdə insanlar ac idi. Zabitlər ailələrini dolandırmaq üçün gecələr taksi sürücüsü və yükləyici kimi işləyirdilər. Yeltsin onlara maaş vermirdi. Görünür, ona görə ki, yoxsullara nəzarət etmək asandır: onlara bir az pul verin, nə desəniz, edəcəklər”.

Qeyd edək ki, 1993-cü il oktyabrın 3-4-də Rusiyada daxili siyasi böhran nəticəsində prezident Boris Yeltsinin tərəfdarları ilə Ali Şura arasında toqquşmalar baş verib. Bu da Moskvanın mərkəzində atışmalara və Ağ Evin güllələnməsinə səbəb olub.

Rusiyanın vitse-prezidenti Rutskoy parlamentin müdafiəsinə rəhbərlik edib, lakin sonradan həbs edilib və Lefortovo təcridxanasına yerləşdirilib. O, 1994-cü ilin 26 fevralında amnistiya ilə azad edilib.

Şahanə Rəhimli
AzVision.az