AzVision.az Norveçdə fəaliyyət göstərən İran İnsan Haqları təşkilatının hesabatına istinadən xəbər verir ki, İranın təhlükəsizlik qüvvələrinin etirazçıların üzünə və gözlərinə atəş açması ilə bağlı çoxsaylı faktlar hökumət agentlərinin hərəkətinin “sistemli” və “məqsədli” olduğunu sübuta yetirir.
Daha əvvəl Behzad Həmrahi adlı qurbanlardan biri “Radio Fərda”ya verdiyi müsahibədə hərbçilərin və təhlükəsizlik agentlərinin onun gözünə “qəsdən” atəş açdığını vurğulayıb.
İnsan haqları təşkilatı “Qadınlar, Həyat, Azadlıq” etirazlarının ildönümü ilə eyni vaxtda dərc etdiyi hesabatda iki məqamı xüsusilə vurğulayır.
1.İran hökumətinin ötən ildəki etiraz aksiyalarında törətdiyi vəhşi cinayətlər planlaşdırılmış, əlaqələndirilmiş və hesablanmış olub.
2. Statistik araşdırmalara görə, repressiv qüvvələr etiraz edən qadınları ölümcül şəkildə güllələməkdənsə, onların gözlərini qəsdən nişan almağa üstünlük veriblər.
“Ümummilli etirazlar zamanı öldürülənlərin 9%-i qadın, qalanları isə kişilər olduğu halda, gözləri zədələnən qadınların sayı 28%-dir. Bu isə o deməkdir ki, repressiv qüvvələr bir çox hallarda etirzçı qadınları ölümcül güllələmək əvəzinə qəsdən özlərini hədəf almağa üstünlük veriblər”, - hesabatda deyilir.
Qurumun göz zədələri barədə hazırladığı siyahısda səkkiz uşağın da adı qeyd olunub. Onlarınn dördü oğlan, dördü isə qızdır. Uşaqlardan ən kiçiyi sağ gözünü itirən təxminən 6 yaşlı Benita Kiyani Fəlavərcani adlı qızdır.
AzVision.az
İran İnsan Haqları təşkilatı: Etirazçıların gözünə məqsədli şəkildə atəş açılıb
22 Sentyabr 2023
Oxunub:1350
İranın təhlükəsizlik qüvvələrinin əməkdaşları ümumxalq etirazları zamanı insanların gözlərinə “sistemli və məqsədyönlü” şəkildə atəş açıblar.
Teqlər: İran etirazçılar
Vaxtında, Aydın, Lazımlı!
-1737469877.jpg&h=190&w=280&zc=1&q=100)
a-1727681504.jpg&h=200&w=200&zc=2&q=70)
