Peskov: "Ermənilər bizə yaxın xalqdır"

Peskov: "Ermənilər bizə yaxın xalqdır"
  25 Sentyabr 2023    Oxunub:1417
Qarabağda hazırki vəziyyətin həllində əsas məsələ sülhməramlı potensiala malik olmayan üçüncü tərəfin Qafqazda öz mövcudluğunu yaratmaq cəhdlərindən qaçmaqdır.
AzVision.az xəbər verir ki, bunu Rusiya prezidentinin mətbuat katibi Dmitri Peskov jurnalistlərə açıqlamasında deyib. O qeyd edib ki, bu cəhdlər çətin ki, vəziyyətə kömək etsin.

"Sülhməramlıların Qarabağdakı gələcəyi qeyri-müəyyəndir" - Kreml
Lakin “kimsə gərginliyin səviyyəsini azaltmağa, Qarabağın erməni əhalisinin yeni reallığa inteqrasiyasına kömək edə bilsə, bu, yalnız alqışlana bilər”. Amma bunun üçün bütün tərəflərin razılığı lazımdır.

Eyni zamanda o, Rusiyanın Azərbaycanın Qarabağ bölgəsində yaşayan erməni əhalisinin hüquqlarına hörmətlə yanaşmağı davam etdirəcəyini vurğulayıb. Onun sözlərinə görə, Ermənistan Rusiyanın müttəfiqi olaraq qalır, ermənilər isə ruslara yaxın xalq sayılırlar.
Tural Tağıyev
AzVision.az



Teqlər:   Peskov   Rusiya   Qarabağ  





Xəbər lenti


Azvision.az ©2014 | Bütün hüquqları qorunur