AzVision.az Təfrəş şəhərinin polis rəisi Səid Fərahaniyə istinadən xəbər verir ki, şəhərin kəndlərindən birində “qarışıq gecə məclisi” təşkil olunduğunu öyrənən polislər “məhkəmə orqanının göstərişi ilə” 10 kişi və qadını həbs edərək, məclisin keçirildiyi yeri möhürləyiblər.

“Həbs olunan və təqsirləndirilən şəxslər ilkin işi qaldırdıqdan sonra hüquqi prosedurların aparılması üçün məhkəmə orqanlarına təqdim ediliblər”, - Fərahani deyib.

Verilən xəbərlərə görə, İran səlahiyyətlilərinin məcburi hicabın tətbiqi səylərinin davamı olaraq, habelə Məşhəddəki “Van Qoq” kafesi də möhürlənib.

İctimai Yerlərə Nəzarət şöbəsinin rəhbəri Xorasan Rəzəvi “məcburi hicaba əməl etməyən” kafenin “İslam Cinayət Məcəlləsinin 543-cü maddəsi”nə əsasən möhürləndiyini bildirib.
Həmçinin, Məşhəddə keçirilən stomatologiya üzrə konfrans da “iştirakçılar məcburi hicaba əməl etmədiyi” üçün məhkəmənin qərarı ilə tədbirin ortasında dayandırılıb.
AzVision.az