AzVision.az Rəisi hökumətinin Səhiyyə naziri Bəhram Eynullahinin açıqlamalarına istinadən bildirir ki, ölkənin dəfələrlə dərman çatışmazlığı və yüksək qiymət problemi ilə üzləşdiyi və xüsusi xəstələr üçün dərmanların hələ də nadir tapıldığı bir vaxtda belə bir iddia gündəmə gəlib.

Eynullahi son bir ildə 33 yeni dərman istehsalı xətti yaradıldığını və 75 yeni dərman preparatı buraxıldığını söyləyib. O, həmçinin, son çıxışında bir daha İranı koronovirusla mübarizədə “bölgənin ən uğurlu ölkələrindən biri” adlandıraraq, ona qarşı yerli vaksin istehsal olunduğunu qeyd edib.

Bununla belə, İranda dərman çatışmazlığı çoxsaylı ölümlərlə nəticələnir. Məsələn, xərçəng xəstəliyi üçün dərmanının yoxluğu 2019-cu ilin mayından indiyə qədər bu xəstəlikdən ölüm hallarının 6 dəfə artmasına səbəb olub. Hər il 260 talassemiya xəstəsi dərmanın “əskikliyi və yoxluğu” səbəbindən dünyasını dəyişir.

İranın rəsmiləri dərman çatışmazlığı problemini Qərbin sanksiyaları ilə əlaqələndirirlər.
AzVision.az