İranda növbəti kütləvi zəhərlənmə hadisəsi baş verib

İranda növbəti kütləvi zəhərlənmə hadisəsi baş verib
  30 Sentyabr 2023    Oxunub:751
İranın Səbzivar Tibb Elmləri universitetinin 46 tələbəsi naməlum səbəbdən zəhərlənib.
AzVision.az Universitetin rektoru Məhəmməd Salarinin verdiyi açıqlamaya istinadən bildirir ki, 27-si oğlan, 19-u qız olan 46 tələbəni zəhərlənmə səbəbindən təcili yardım şöbəsi şəhərin Vasey xəstəxanasına aparıb.

“Zəhərlənmə ilə xəstəxanaya göndərilən tələbələrin hamısının səhhəti stabildir və ümumi vəziyyətləri yaxşıdır. Tələbələrin əksəriyyətinə lazımi tibbi yardım göstərildikdən sonra xəstəxanadan buraxılıblar. Məsələnin vacibliyi ilə əlaqədar hadisənin mümkün səbəbləri araşdırılır və alınan analizlərin nəticələri hazırlandıqdan sonra yekun nəticə və zəhərlənmənin səbəbi açıqlanacaq”, - Salari deyib.

Qeyd edək ki, İranın tələbə həmkarlar ittifaqı şuraları cümə günü Səbzivar Tibb Elmləri universitetinin tələbələrinin kütləvi zəhərlənməsi ilə bağlı məlumat yaymışdı.
AzVision.az






Teqlər: İran   zəhərlənmə  





Xəbər lenti