Ermənistan hərbi caniləri axtarır - Bako, Arkadi və Arayik haradadır?

Ermənistan hərbi caniləri axtarır - Bako, Arkadi və Arayik haradadır?
  03 Oktyabr 2023    Oxunub:1076
Dünən sosial şəbəkələrin erməni seqmentində və yerli mediada Qarabağda mövcud olmuş qondarma rejimin keçmiş "prezidentləri" ilə bağlı aktiv dezinformasiyalar yayıldı.
Qeyd edilirdi ki, Arayik Arutyunyan, Bako Saakyan və Arkadi Qukasyanla bir gündən çoxdur ki, əlaqə kəsilib. Ölkənin məşhur nəşrlərindən olan "Hraparak" da mövzuya toxunub.

Saakaşvili Rubenin həbsindən yazdı: "Xeyirlə şər arasında mübarizə gedir"
Sayt yazır ki, keçmiş "prezidentlər" və bir qrup "hökumət" məmurları, hərbi elita Ermənistana qayıtmayıblar. Hətta onların yaxınlarının da məlum şəxslərin harada olmaları barədə heç bir məlumatı yoxdur.

"Dünən Ermənistan Respublikasının hakimiyyət orqanlarına, beynəlxalq ictimaiyyətə, Rusiya Federasiyasının hakim dairələrinə müraciətlər də ünvanlandı ki, onları Ermənistana gətirmək və Bakıda həbsdə olan digər separatçıları azad etmək üçün çalışsınlar. Erməni dövlətinin və diplomatiyasının ilkin vəzifələrindən biri Azərbaycanın qara siyahıya saldığı və hələ də Qarabağdan çıxa bilməmiş erməni hərbi, siyasi xadimlərinin təxliyəsidir. Ermənistan səylər göstərməli və düşmənin planlarını pozmaq üçün bütün diplomatik rıçaqlardan istifadə etməlidir", - müəllif yazıb.

Tural Tağıyev
AzVision.az



Teqlər:   Qarabağ   Separatçı   Ermənistan  





Xəbər lenti


Azvision.az ©2014 | Bütün hüquqları qorunur