Bu barədə “Demokratik Koalisiya” partiyasından olan deputat Aqneş Vadai məlumat verib. “Bu həftə İsveçin NATO-ya üzvlüyü ilə bağlı səsvermə keçirilməyəcək. Bu məsələnin gündəliyə salınması təklifi mandatların çoxluğuna malik olan hakim “FİDES - Macarıstan Vətəndaş Birliyi” partiyasının deputatları tərəfindən rədd edilib”-deyə, o bildirib.
İsveçin Şimali Atlantika Müqaviləsi Təşkilatına qəbul edilməsi haqqında sazişin Macarıstan parlamentində ratifikasiya tarixi hələ də müəyyən edilməyib. Hökumət müvafiq qanun layihəsini 2022-ci ilin yayında parlamentə təqdim edib, lakin İsveç siyasətçilərinin Macarıstana qarşı qeyri-dost bəyanatları səbəbindən deputatlar onun baxılmasını qeyri-müəyyən müddətə təxirə salıblar.
Bütün NATO ölkələrindən İsveçin müraciəti hələlik təkcə Macarıstan və Türkiyə tərəfindən təsdiqlənməyib. Oktyabrın 23-də Türkiyə prezidenti Rəcəb Tayyib Ərdoğan İsveçin NATO-ya qəbulu ilə bağlı protokolu ratifikasiya üçün parlamentə təqdim edib, lakin Macarıstanın xarici işlər naziri Peter Siyarto bildirib ki, onun ölkəsində deputatlar türkiyəli həmkarlarını nəzərə almadan qərar qəbul edəcəklər.
AzVision.az
Macarıstan İsveçin NATO-ya qəbulu ilə bağlı səsverməni təxirə salıb
26 Oktyabr 2023
Oxunub:1073
Macarıstan parlamentində müxalifətin İsveçin NATO-ya qəbulu barədə səsvermənin keçirilməsi ilə bağlı təklifi səs çoxluğu qazanmayıb və müvafiq təklifə yalnız noyabr ayında baxıla bilər.
Teqlər:
Vaxtında, Aydın, Lazımlı!
a-1727681504.jpg&h=200&w=200&zc=2&q=70)
