Dünyanın ən ağır helikopteri Rusiya ordusunda

Dünyanın ən ağır helikopteri Rusiya ordusunda
  27 Oktyabr 2023    Oxunub:1640
Rusiya Aerokosmik Qüvvələrinin ordu aviasiyası cari ildə dünyanın ən ağır helikopteri olan modernləşdirilmiş Mi-26T2V-ni təhvil alıb.
AzVision.az xəbər verir ki, bu barədə ordu aviasiyasının rəisi İqor Romanov bu barədə “Krasnaya Zvezda” qəzetinə müsahibəsində məlumat verib.

“ATAK” hücuma hazırlaşır – TƏHLİL
"Ordu aviasiya parkı modernləşdirilmiş aviasiya texnikasının gəlməsi ilə əlaqədar olaraq hər il yenilənir. Eyni zamanda, təşkilatlar və sənaye müəssisələri ilə sıx əlaqə saxlamaq vacibdir. Bu il biz artıq Ka-52M, Mi-28NM, Mi-8AMTSh-V, Mi-8MTV-5M, Mi-26T2V helikopterlərini əldə etmişik və gələcəkdə də almaqda davam edəcəyik”, - o qeyd edib.

Romanovun sözlərinə görə hərbi sənaye plana uyğun olaraq ordu aviasiyasını vaxtında təyyarələrlə təmin edir: "Cədvəldə heç bir pozuntu yoxdur".

Qeyd edək ki, Mi-26T2V 20 ton yükgötürmə qabiliyyətinə malik, geniş gövdəli ağır nəqliyyat helikopteridir. Bu hərbi maşın NPK90-2V inteqrasiya olunmuş avionika kompleksi ilə təchiz olunub. Bu sistem onu gecə-gündüz rejimində marşrut üzrə avtomatik uçuşlara, əvvəlcədən müəyyən edilmiş nöqtəyə vaxtında yük çatdırmağa imkan verir. Mi-26T2V hava hücumundan müdafiə sistemindən, raketlərdən müdafiəni təmin edir. Modernləşdirilmiş helikopterin ekipajına beş nəfər daxildir.

Tural Tağıyev
AzVision.az



Teqlər:   Rusiya   Helikopter   Ordu  





Xəbər lenti


Azvision.az ©2014 | Bütün hüquqları qorunur