“Naməlum şəxslərin Mahaçqala hava limanının perronuna daxil olması ilə əlaqədar olaraq hava limanının gəliş-gediş üçün reyslərə xidmət göstərilməsi məsədi ilə müvəqqəti bağlanması barədə qərar qəbul edilib. Mahaçqalaya eniş etməli olan təyyarələr alternativ aerodromlara yönləndirilib”, - məlumatda deyilir.

Federal Hava Nəqliyyatı Agentliyi qeyd edib ki, tədbirlər vəziyyət normallaşana qədər qüvvədə qalacaq, hüquq-mühafizə orqanları hadisə yerində işləyir.

Bazar günü axşam Təl-Əvivdən növbəti müntəzəm təyyarənin endiyi Mahaçqala hava limanına bitişik ərazidə keçirilən etiraz aksiyasında bir neçə yüz nəfər iştirak edir. Toplaşanlar Fələstin-İsrail münaqişəsinə qarşı etiraz edirlər. Aeroportun məlumatına əsasən, təyyarə Təl-Əvivdən Mahaçqalaya Moskva vaxtı ilə saat 19:17-də çatıb.

Etirazçılardan bəziləri bu reysin sərnişinlərini axtarmaq üçün hava limanının beynəlxalq terminalına daxil olublar.
***
Təl-Əvivdən növbəti müntəzəm təyyarənin endiyi Mahaçqala hava limanına bitişik ərazidə yüzlərlə insan etiraz aksiyası keçirir. Ora toplaşanlar Fələstin-İsrail münaqişəsinə qarşıdırlar. Bildirilir ki, içəri girənlər, ehtimal ki, gələn İsrail vətəndaşlarını axtarırlar.

Ərazidə bir neçə polis dəstəsi var, aksiyaçılarla izahat işi aparır.

Şahanə Rəhimli
AzVision.az