AzVision.az “Vioce of America” agentliyinin fars bölməsinin yaydığı məlumata istinadən xəbər verir ki, Evin həbsxanasında olan konstitusiya fəalı Rza Məhəmməd Hüseyninin məhkəməsinin vaxtı noyabrın 4-nə dəyişdirilib.

Bundan əvvəl həmin xəbər agentliyi bu siyasi məhbus barəsində Tehran Əyalət Həbsxanalar müdiriyyətinin şikayəti əsasında “ictimai asayişi pozmaq və yalan yaymaq” ittihamları ilə yeni cinayət işinin açıldığını yazıb.

Həmçinin siyasi məhbuslar Məhbubə Rzayi və Samanə Novruz Muradi də yeni cinayət işləri iş üzrə mühakimə olunublar.

Bu il mayın 22-də həbs edilmiş Məhbubə Rzayibu hazırda Evin həbsxanasındadır. O, “milli təhlükəsizliyə qarşı təfriqə və sövdələşmə” və “İran əleyhinə təbliğat aparmaq”da ittiham olunub.

Evin qadın həbsxanasında məşrutəçi məhbus olan Samanə Novruz Muradi isə bir neçə xəstəlikdən, o cümlədən xərçəngdən əziyyət çəkir və həkimlərin fikrincə, bu siyasi fəal fiziki cəhətdən həbsə dözə bilməz.
AzVision.az