AzVision.az Əhvazın Cündi Şapur Tibb Elmləri universitetinin müalicə məsələləri üzrə müavini Meysəm Moəziyə istinadən xəbər verir ki, universitetin tabeliyindəki bütün xəstəxanalar “tam hazırlıq” vəziyyətinə gətirilib.
Havanın çirklənməsi nəticəsində xəstələrin böyük əksəriyyəti ambulator müalicə olunaraq evə buraxılsa da, hazırda 200-ə yaxın xəstə hələ də xəstəxanalardadı.
Eyni zamanda, Xuzistanın Ətraf Mühitin Mühafizəsi Baş idarəsi bir neçə gün əvvəldən vilayətin geniş ərazilərində havanın keyfiyyət indeksinin “bütün qruplar üçün qeyri-sağlam” və “qırmızı status”da olduğunu açıqlayıb.
Havanın çirklənməsinin davam etdiyi Tehranda da KİV-lərin dərc etdiyi xəbərlərdə bu çirklənmənin yaranmasında köhnəlmiş avtomobillərin rolundan bəhs olunur.
Ötən günlərdə “İrna” xəbər agentliyi statistikaya görə ölkədə olan 26 milyon avtomobildən təxminən 7 milyonunun köhnəlmə yaşına çatdığını yazıb. Habelə 12,5 milyon motosikl qeydə alınıb ki, onlardan 10 milyona yaxını artıq könəlib.
AzVision.az
İranda havanın çirklənməsi böhranı davam edir
03 Noyabr 2023
Oxunub:1117
İranın müxtəlif bölgələrində, özəlliklə də Xuzistan əyalətində havanın çirklənməsi səbəbindən son sutkada 750 nəfər tənəffüs darlığı ilə bağlı Xuzistan tibb mərkəzinə müraciət edib.
Vaxtında, Aydın, Lazımlı!
a-1727681504.jpg&h=200&w=200&zc=2&q=70)
