İranda məhbus tələbə fəala qarşı ittiham irəli sürülüb
Qeyd edək ki, İsfahan Tibb elmləri universitetinin həmkarlar şurası katibinin müavini Məhəmməd Mehdi Vəsuqiyan, anası Məsumə Yavərinin həbsindən iki həftə sonra, bu il sentyabrın 20-i həbs edilib.
“Bu tələbə fəalın anasına qarşı “Bəsic bazasını dağıtmaq” kimi ittihamlar irəli sürülüb. Halbuki, bu yaxınlarda cərrahiyyə əməliyyatı keçirən, bel və boyun nahiyəsində ciddi problemləri olan Məsumə Yavərini yaxından görən hər kəs ona qarşı sürülən ittihamların yalan olduğunu yaxşı anlayır. Məhəmməd Mehdi girovdan müttəhimə çevrildi. Azad ediləcəyi vədi ilə anasını yalan etiraflar verməyə məcbur etdilər. İndi 19 yaşlı Məhəmməd Mehdinin azadlığa buraxılmasının qarşısı alınıb və prokurorun ona qarşı ciddi iş bağladığı deyilir”, - məlumatda deyilir.
Həbsdən əvvəl bu tələbə universitetin nizam-intizam komitəsi tərəfindən “bir semestr təcrid” cəzasına məhkum edilmiş və İsfahan Universitetinin məsul şəxsləri intizam komitəsinin iclası keçirilməmiş və hökm çıxarılmamışdan əvvəl onun yataqxanaya daxil olmasına qadağa qoymuşdular.
2008-ci ildə “Mücahidlər təşkilatına dəstək vermək” ittihamı ilə həbs olunmuş Məsumə Yavəri “Moharebeh” (allah əleyhinə müharibə) cəzasına məhkum edilib. Bu ittihamdan bəraət aldıqdan sonra o, 7 il müddətinə azadlıqdan məhrum olunub və nəhayət, üç ildən sonra azadlığa çıxıb.
AzVision.az