AzVision.az “Güney Azfront” media resursuna istinadən xəbər verir ki, İsrailin Baş nazirinin ofisinin Mossad adından yaydığı rəsmi bəyanatda Braziliyada ikili (Livan və Braziliya) vətəndaşlığına malik olan iki şəxsin saxlanıldığı bildirilir. Daha iki nəfərə ölkəni tərk edərək Livana qaçmaq müyəssər olub. Onlar “Hizbullah” tərəfindən cəlb olunduqdan sonra, bu yaxınlarda Livana səfər ediblər. Həmin şəxslər qarşısında yəhudilərə və İsrail hədəflərinə qarşı silsilə terror hücumları həyata keçirmək vəzifəsi qoyulb.

Qeyd edək ki, Latın Amerikası ölkələrində livanlı mühacirlərin böyük diasporu mövcuddur. 1990-cı illərdən “Hizbullah” bundan qitənin cənub hissəsində iştirakını artırmaq üçün istifadə edir.

Yeri gəlmişkən, Livandan kənarda “Hizbullah”ın ən böyük terror aktlarından bəziləri Argentinada həyata keçirilib: 1992-ci ildə İsrail səfirliyi (29 ölü, təxminən 220 yaralı), 1994-cü ildə Buenos-Ayresdəki yəhudi mədəniyyət mərkəzi (85 ölü, 330 yaralı) partladılıb.
AzVision.az