ABŞ mediası: HƏMAS ikinci “7 oktyabr” faciəsini planlaşdırırmış

      ABŞ mediası:    HƏMAS ikinci “7 oktyabr” faciəsini planlaşdırırmış
  13 Noyabr 2023    Oxunub:786
Fələstinin HƏMAS hərəkatı Yaxın Şərqdə böyük münaqişə yaratmaq ümidi ilə İsrailə qarşı ikinci hücum dalğasına hazırlaşırdı.
AzVision.az xəbər verir ki, Qərbdəki və Yaxın Şərqdəki 4 ölkənin kəşfiyyat idarələrindəki mənbələrə istinad göstərən “The Washington Post” qəzeti belə məlumat yayıb.

Onların fikrincə, HƏMAS yaraqlıları İsrailə hücumlarının bütün regiona təsir göstərəcəyini, daha böyük münaqişəyə səbəb olacağını və bunun “İsrailin güclü cavabını təhrik edəcəyini” gözləyirdilər.

Nəşrin yazdığına görə, hərəkat üzvləri bir neçə gün duruş gətirmək üçün kifayət qədər ərzaq, döyüş sursatı və texnikaya malik idilər. Onlar müvəffəqiyyət qazanacaqları təqdirdə, böyük şəhərlərə zərbələr endirərək İsrailə doğru irəliləmək üçün göstərişlər alıblar.
Sahil İsgəndərov
AzVision.az


Teqlər: HƏMAS   İsrail  





Xəbər lenti