AzVision.az İrandakı qocalar evinin baş katibi Məhəmməd Şərifi Müqəddəmin müsahibəsinə istinadən xəbər verir ki, İranın Səhiyyə nazirliyi mövcud problemi gizlətməyə çalışır.

“Cəsarətlə deyirəm ki, xəstələr tibb bacısı çatışmazlığından ölürlər. Hər il ölkədən üç mindən çox tibb bacısı miqrasiya edir, lakin Səhiyyə nazirliyi bu statistik göstəricini hətta tibb işçiləri kadrları sırasına da əlavə etmir. Tibb bacıları aşağı maaş və bu qədər ağır şəraitdə işləmək istəmirlər. Bəzi tibb bacıları evdə qalmağın işdə bu qədər ədalətsizliyə dözməkdən daha yaxşı olduğuna inanır”, - Şərifi Müqəddəm deyib.

Ən adi statistik rəqəmlər belə hər ay ən azı 250 tibb bacısının İranı tərk edərək daha çox pul qazana biləcəkləri ölkələrə getdiyini göstərir.

Ölkənin tibb sisteminin əlaqələndirmə şurasının rəhbəri Mənsur Cəfəri Nemin də may ayının ortalarında ötən il 800-dən çox dayənin xaricə miqrasiya etdiyini açıqlamışdı.
AzVision.az