Daily Mail-in yaydığı məlumata görə, o, Şükran Günü ilə bağlı təşkil olunan tədbirdə 6 yaşlı qızla qurduğu ünsiyyət ciddi tənqidlərlə üzləşib. Siyasətçi danışarkən uşağın qulaqlarını tərifləyib.

Fox News: "Bayden ABŞ üçün biabırçılıqdır"

“Təşəkkür edirəm. Mənim də sənin qulaqlarından xoşum gəlir. Mən onları sevirəm! Onlar həqiqətən gözəldirlər! Adın nədir? Ketrin? Nə gözəl addır. Mənim anamı da belə çağırırdılar. Tanışlığımıza şad oldum", - Bayden kiçik qızla dialoq zamanı deyib.

Onun "neçə yaşın var, 17?" sualından sonra uşaq "Altı!" cavabını verib.

Daily Mail onu da yazıb ki, 81 yaşlı ABŞ prezidentinin bu davranışları sosial şəbəkələrin ABŞ seqmentində təəccüb və tənqidlərlə qarşılanıb. Bəzi sosial şəbəkə istifadəçiləri prezidentin davranışını olduqca “ürpərtici” və “həyəcan təbili çalan” hal sayıblar.

Qeyd edək ki, Bayden tez-tez anormal davranışları ilə gündəmə gəlir. O, sentyabr ayında Hanoyda gecə saatlarında keçirdiyi mətbuat konfransını qəfl dayandırmışdı. Bayden yatmağa getdiyini söyləyib və qısa müddət sonra görüş başa çatıb.


Tural Tağıyev
AzVision.az