AzVision.az xəbər verir ki, İranın Xarici İşlər naziri Hüseyn Əmir Abdullahiyan “Financial Times” nəşrinə müsahibəsində İranın xarici işlər naziri Hüseyn Əmir Abdullahiyan “Hizbullah”ın İsrailə qarşı hərtərəfli hücuma keçəcəyi təqdirdə ABŞ-nin İranı vura biləcəyi ilə hədələməsinə diqqət çəkib. Halbuki, İsrailə kütləvi dəstək göstərərək Qəzzada müharibəni qızışdırarkən Vaşinqton Tehranı “təmkinli olmağa” dəvət edib. Bu baxımdan, Abdullahiyan ABŞ-ni ikiüzlülükdə günahlandırıb.

Onun sözlərinə görə, ABŞ-nin “Hizbullah”ı eyni şəkildə təmkinli olmağa çağıran mesajları “müqavimət qrupunu qərar verərkən ehtiyatlı olmağa məcbur edə bilməz”.

Noyabrın 5-də Vaşinqton Yaxın Şərqə “F-16” qırıcı-bombardmançı təyyarələrdən ibarət eskadrilya və Aralıq dənizinin şərq hissəsinə 2 təyyarə daşıyan zərbə qrupu göndərib. Ağ ev administrasiyası Tehrana və regiondakı iranpərəst qruplara İsrailə qarşı təcavüz cəhdlərinə qarşı xəbərdarlıq edib.

Noyabrın 14-də isə Yəmən husilərinin hərbi-siyasi təşkilatının lideri Ənsar Allah əl-Husi İsrail bayrağı altında Qırmızı dəniz və Bab əl-Məndəb boğazından keçən istənilən gəmini vurmaqla hədələyib.
AzVision.az