AzVision.az xəbər verir ki, bu barədə məhkəmənin mətbuat xidməti məlumat yayıb: “Moskva Şəhər Məhkəməsinin hökmü dəyişməz qalıb, apellyasiya şikayəti təmin edilməyib”.

Rusiya erməni generalı həbs etdi

Verdiyan Rusiyanın müasir tarixində dövlətə xəyanət maddəsi üzrə cəmiyyətə açıqlanan ən gənc müttəhim sayılır. Onun həbs edilən zaman 21 yaşı olub.

Xatırladaq ki, təhlükəsizlik qüvvələri Verdiyanı ötən ilin payızında “hava limanı yaxınlığındakı avtobus dayanacağında ictimai asayişi pozmağa" görə xırda xuliqanlıqda (Rusiya Federasiyası İnzibati Xətalar Məcəlləsinin 20.1-ci maddəsinin 2-ci hissəsi) ittiham edərək saxlayıb. Əvvəlcə Moskvanın Solntsevski Rayon Məhkəməsi gənci 10 sutka inzibati həbsə göndərib və bu müddət başa çatdıqdan sonra noyabrda Moskvanın Lefortovo Rayon Məhkəməsi Verdiyanı dövlətə xəyanətdə ittiham edib.

Onun hansı səbəbdən vətənə xəyanət etməsi, prosesin detalları məhkəmədə açıqlanmayıb. Bu ilin sentyabrında Moskvada keçirilən məhkəmə isə bağlı qapılar arxasında baş tutub. Məhkəmə gəncə 200 min rubl cərimə də yazıb.

Tural Tağıyev
AzVision.az