“Əgər Ermənistanın maraqlarından irəli gələn qərarlar qəbul etmək üçün siyasi iradə olmasaydı, o zaman biz KTMT-nin fəaliyyəti ilə bağlı səsləndirdiyimiz bütün bəyanatları və qeyd-şərtləri etməzdik.

Ölkənin xeyrinə qərarlar qəbul etmək üçün siyasi iradə var, lakin hökumət Ermənistanın dövlət maraqlarını rəhbər tutmaq niyyətindədir”, - Paşinyan İrəvanın niyə hələ də belə bir qərarını rəsmən elan etmədiyi sualına cavab olaraq deyib.

KTMT-nin fəaliyyəti və ya fəaliyyətsizliyi Ermənistan qarşısında öhdəliklərinə cavab vermir. Bu baxımdan Təşkilatın hərəkətləri ölkənin maraqlarına uyğun gəlmir", - Paşinyan bildirib.

Onun sözlərinə görə bu sual İrəvan tərəfindən qaldırılır.

"Əvvəlcə erməni tərəfi bunu adi bir iş kimi edirdi. Bu, sonradan açıq şəkildə edildi ki, erməni ictimaiyyəti bu məsələlərin niyə gündəmə gətirilmədiyi ilə maraqlanmasın.

Biz KTMT-ni tam başa düşmək və öz mövqeyimizi təşkilata aydınlaşdırmaq üçün son fürsətə qədər hər şeyi etmək istəyirik. Və bu yolda bütün potensialın tükəndiyini hesab etsək...Cəmiyyətimiz soruşacaq ki, əgər o, Ermənistana maraqlarını saxlayacaq heç nə və ya minimumu vermirsə, niyə təşkilatda qalırıq? Yaxud bizim təhlükəsizlik sistemimiz üçün əlavə problemlər yaradır”, - Paşinyan bildirib.

O, qeyd edib ki, 2018-2019-cu illərdə belə problemlər yaşanıb.

"Sizə elə gəlir ki, biz 2018-2019-cu illərdə silah tədarükümüzü şaxələndirməyə cəhd etməmişik. Belə müzakirələr dəqiqələrlə davam etdi, bizə dedilər: "Bağışlayın, siz KTMT-nin üzvüsünüz, biz sizinlə hərbi-texniki əlaqələrə girə bilməri ”,,- Paşinyan deyib.

Amma Ermənistan şəffaf şəkildə öz mövqeyini, o cümlədən KTMT ilə bağlı mövqeyini ortaya qoyduğundan, bu, bəzi perspektivləri müzakirə etməyə imkan verdi.

Amma Paşinyanın fikrincə, ölkə KTMT-dən lazımi silah və siyasi yardım ala bilmirsə, o zaman Təşkilata üzvlük onu başqalarından almaq üçün “aşılmaz əngəl”dir.

"Biz öz maraqlarımıza uyğun qərarlar qəbul etməliyik", - baş nazir qeyd edib.

Qeyd edək ki, Ermənistanın baş naziri Nikol Paşinyan bundan əvvəl Minskdə keçiriləcək KTMT sammitində iştirakdan imtina etmişdi. Ermənistan Müdafiə Nazirliyinin və Xarici İşlər Nazirliyinin rəhbərləri, həmçinin Ermənistan parlamentinin spikeri də Təşkilatın tədbirlərində iştirak etməmək qərarına gəliblər.

Şahanə Rəhimli
AzVision.az