AzVision.az "RBC-Ukrayna"ya istinadən xəbər verir ki, bunu Ukrayna prezidenti Volodimir Zelenski Latviya prezidenti Edqars Rinkeviçslə birgə mətbuat konfransında deyib.
Zelenskinin sözlərinə görə, ilk qələbə ABŞ Konqresinin Ukraynaya yardımla bağlı qərarı olacaq.
İkinci qələbə isə Avropa İttifaqının dəstəyidir. Əsasən, Ukraynanın 50 milyard avro məbləğində yardım paketi almasıdır.
“Aİ-də hər kəs bu gün bu paketi dəstəkləməyə hazır deyil. Onların bu paketi dəstəkləmələri üçün hər şeyi etmək bizim borcumuzdur”, - deyə Zelenski qeyd edib.
Üçüncü qələbə isə Ukraynanın Aİ-yə gələcək üzvlüyü ilə bağlı dialoqun açılmasıdır.
“Bu, bizim üçün, işləyən, oxuyan və hər gün müxtəlif addımlarla motivasiya edilməli olan, döyüş meydanında canını verənlər üçün ümudedici addımdır. Hesab edirəm ki, sadaladığım üç məqam vacibdir və biz yaxın gələcəkdə nəticələr əldə etməliyik”.
Aytən Zəhra
AzVision.az
"Rusiya ilə mübarizəyə təkan verəcək 3 əsas qələbə lazımdır" - Zelenski
25 Noyabr 2023
Oxunub:1188
Ukraynaya Rusiya Federasiyası ilə mübarizədə təkan verəcək üç əsas qələbə lazımdır.
Teqlər:
Vaxtında, Aydın, Lazımlı!
a-1727681504.jpg&h=200&w=200&zc=2&q=70)
