AzVision.az xəbər verir ki, Almaniyanın xarici işlər nazirliyinin saytında dərc edilən bu bəyanatda İranın raket proqramını dayandırmaq və BMT-nin məhdudiyyətləri çərçivəsində beynəlxalq tələblərə rəğmən, Tehranın ballistik raketlərin hazırlanmasını davam etdirdiyi bildirilir.

“Nüvə gərginliyinin artmasından sonra və heç bir etibarlı mülki əsaslandırma olmadan İranın ballistik raket proqramının inkişafının davam etdirilməsi, eləcə də İranın nüvə başlıqları daşıya bilən raketlərin istehsalı üzrə əvvəlki araşdırmaları həyata keçirilir. Bu gərginliklər həm də İranın qlobal və regional təhlükəsizliyə ciddi təhdid olduğunu göstərir”, - bəyanatda deyilir.
Üç Avropa dövləti İranın nüvə silahına yiyələnməsinin qarşısını almaq, onu regional və beynəlxalq səviyyədə sabitliyi pozan fəaliyyətlərinə görə məsuliyyət daşımaq üçün diplomatik tədbirlər görməyə sadiq qaldıqlarını vurğulayıblar.

BMT-nin 2231 saylı qətnaməyə əsasən, JCPOA (İranın nüvə problemi üzrə 5+1 formatı) çərçivəsində İrana qarşı raket sanksiyaları oktyabrın 18-də başa çatıb. Lakin İranın JCPOA-ya prinsipcə əməl etmədiyini bildirən Qərb ölkələri sözügedən qətnaməyə əsasən, İrana qarşı raket sanksiyalarını saxlamağı zəruri sayırlar.
AzVision.az