Actu17-nin yaydığı məlumata görə, Marseldə 17 yaşlı yeniyetmə iki qıza təcavüz etməkdə şübhəli bilinərək həbs edilib.

Fransada pedofillik biabırçılığı: 10 mindən çox uşaq keşişlərin qurbanı olub

Yeniyetmənin ilk qurbanı onun hadisə baş verən vaxt cəmi səkkiz yaşı olan ögey bacısı olub. Qızın anası fevral ayında polisə ifadə veribmiş. Eyni zamanda zərərçəkmiş də ifadə verib. O, böyük qardaşının 2022-ci ilin yayında tətildə olarkən ən azı bir dəfə ona toxunduğunu və cinsi təcavüz etdiyini söyləyib.

Bundan sonra polis şübhəli gənclə bağlı araşdırmalara başlayıb. Məlum olub ki, o, hazırda 14 yaşında olan başqa bir azyaşlı ilə münasibət qurur. Ehtimal edilib ki, oğlan bu qızı da cinsi əlaqəyə məcbur edə bilər. Azyaşlının sözlərinə görə, gənc oğlan 2020-ci ildən 2022-ci ilə kimi ona da təcavüz edib. Zərərçəkənin valideynləri də şikayət edib.

Saxlanılan şəxs artıq iki cinayət əməlini etiraf edib. Sonrakı araşdırmalar yeniyetmənin başqa qurbanlarının olub-olmadığını müəyyən edəcək.
Tural Tağıyev
AzVision.az