Bu barədə Financial Times yazır. Qeyd olunub ki, Avropa İttifaqının sərmayə və Ukraynanın gələcəyi ilə bağlı daxili çəkişməsi Kiyevə aylar əvvəl verdiyi əsas vədləri təhlükə altına qoyur, necə ki, ABŞ-ın Ukraynaya maliyyə və hərbi dəstəyinin axını Konqres məsələ ilə bağlı qütbləşdiyindən kəskin şəkildə dayanıb.

Ukraynanın gələcək Aİ-yə inteqrasiyası Macarıstanın müqaviməti ilə sual altına qoyulur və ABŞ prezidenti Co Bayden administrasiyasının Konqresin Ukraynaya 60 milyard dollarlıq yeni tranş ayırmasına nail olmaq səyləri Respublikaçılar Partiyasının tərəfdarlarının müqaviməti ilə üzləşir.

Avropa İttifaqının Sülh Fonduna Ukraynaya dəstək üçün 50 milyard avronun ayrılması məsələsi dekabrın 14-15-də Brüsseldə keçiriləcək Aİ sammiti öncəsi müzakirə olunacaq.
Gözlənilir ki, danışıqların gedişinə Niderlandda seçkilərdə ifrat sağçıların qələbəsi və Almaniya məhkəməsinin hökumətin yeni kreditlərin alınmasına icazə verməməsi qərarının ciddi təsiri olacaq.


AzVision.az