İran İrəvan və Bakının birgə bəyanatını alqışlayır

   İran İrəvan və Bakının birgə bəyanatını alqışlayır
  11 Dekabr 2023    Oxunub:813
İran Ermənistan və Azərbaycanın birgə bəyanatını alqışlayır və regional sabitliyin möhkəmlənməsinə töhfə verməyə hazırdır. Bu barədə Ermənistan Xarici İşlər Nazirliyinin rəsmi nümayəndəsi Naser Kanaani brifinq zamanı bildirib.
“İran Azərbaycan və Ermənistanın qarşılıqlı fəaliyyət və əməkdaşlıq, o cümlədən hər iki tərəfdən məhbusların azad edilməsi haqqında birgə bəyanatını alqışlayır və bunu müsbət addım hesab edir”, - diplomat qeyd edib.
Bakı İrəvanla hərbçilərin qarşılıqlı surətdə azad edilməsi razılığına gəlib


Onun sözlərinə görə, davamlı sülhə nail olmaq regional oyunçular arasında etimad mühitinin gücləndirilməsini tələb edir. Tehran bu tədbirlərin iki tərəf arasında sülh və sabitliyə gətirib çıxaracağına ümid edir.

Qeyd edək ki, Azərbaycan Respublikası Prezidentinin Administrasiyası və Ermənistan Respublikası Baş nazirinin Aparatı arasında aparılmış danışıqlar nəticəsində humanizm prinsipinə sadiqlik ruhunda, xoş niyyət göstəricisi olaraq iki ölkə arasında qarşılıqlı etimad tədbiri kimi Azərbaycan tərəfindən erməni əsilli 32 şəxsin, Ermənistan tərəfindən isə 2 Azərbaycan hərbçisinin azad edilməsi barədə razılıq əldə edilib.

Şahanə Rəhimli
AzVision.az


Teqlər:  





Xəbər lenti