İngilis ikiüzlüyü: Saakyan Britaniya parlamentində

  09 İyul 2015    Oxunub : 2221
İngilis ikiüzlüyü: Saakyan Britaniya parlamentində
Ötən gün qondarma `Dağlıq Qarabağ Respublikası`nın prezidenti Bako Saakyan Böyük Britaniya parlamentin olub və orda çıxış edib.
Bu barədə AzVision.az Britaniya KİV-nə istinadən xəbər verir.

Öz çıxışı zamanı `prezident` Qarabağın sosial-iqtisadi inkişafı, `dövlət` quruluşu, Dağlıq Qarabağ münaqişəsinin nizamlanması barədə danışıb, zaldakıların suallarını cavablandırıb.

Saakyan qeyd edib ki, onun `ölkə`sində Böyük Britaniyaya xüsusi münasibət bəsləyirlər, onu dünya siyasətində nüfuzlu dövlət və demokratiya, Avropa sivilizasiyasının beşiyi kimi qiymətləndirirlər.

Qondarma `prezidentin` sözlərinə görə, Qarabağ parlament əlaqələrinin dərinləşməsində və Böyük Britaniya ilə elm-təhsil və humanitar sahələrdə əlaqələrin inkişaf etdirilməsində maraqlıdır.

Saakyan qeyd edib ki, bu optimizm ilk növbədə Böyük Britaniya parlamentində Qarabağ və erməni xalqına sadiq və səmimi dostlarının olması ilə bağlıdır.

Görüşdə Ermənistanın Böyük Britaniya və Şimali İrlandiya Krallığındakı səfiri Armen Sarkisyan və digərləri iştirak edib.


Eldar Tanrıverdiyev
AzVision.az

Teqlər: