Xəbər saytlarına pul veriləcək - Şərtlər açıqlandı
V.Səfərli qeyd edib ki, ötən il və bu il bir çox qurumların büdcə vəsaitləri azaldılsa da KİVDF-yə ayrılan vəsait azaldılmayıb: “Hətta ötən il mətbuat günündə gündəlik qəzetlərin maddi-texniki bazasının gücləndirilməsi məqsədilə əlavə 1 milyon manat ayrıldı. Lakin elektron medianın maliyyələşməsi ilə bağlı dəfələrlə məsələlər qaldırılıb, müzakirələr aparılıb. Bu gün elektron mətbuatın maliyyələşməsi gündəmdədir. Bu məsələ yaxın günlərdə öz həllini tapacaq”.
V. Səfərli qeyd edib ki, elektron mediaya ayrılacaq vəsait bütün portallara şamil edilməyəcək: “Hesab edirəm ki, bütün portalar bundan yararlana bilməyəcək. Çünki, bu gün xəbər portallarının əksəriyyəti bir-birindən köçürərək fəaliyyət göstərir. Belə olan halda, onlara nə ehtiyac var? Lakin elə saytlarımız da var ki, onlar bir neçə dildə fəaliyyət göstərir, həqiqətlərimizin dünyaya çatdırılmasına çalışırlar. Təbii ki, ilk növbədə belə saytlar maliyyələşəcək. Hər gün saysız-hesabsız portallar yaranır. Elə adam var ki, onun 10-12 saytı var. Bu, o demək deyil ki, dövlət onların hamısına dəstək göstərəcək. İlk növbədə xarici dildə yayımlanan saytlara dövlət tərəfindən maliyyə dəstəyi göstəriləcək”.
Elvin Abdulqədirov
AzVision.az
Teqlər: