Lider televiziyası mart ayının 1-dən etibarən yeni formatda fəaliyyət göstərəcək.
Bu barədə AzVision.az-a telekanaldan məlumat verilib. Bildirilib ki, dəyişikliyə əsasən, mart ayının 1-dən etibarən telekanalda gün ərzində xəbər verilişlərinin sayı artırılacaq.
Bundan sonra səhər saat 9:00, 11:00, 12:00, 12:30, 13:00, 15:00, 17:00, 19:00, 24:00-da xəbərlər buraxılışları efirdə olacaq.
Daha sonra “Səda +” verilişinin gün ərzində iki dəfə olması planlaşdırılır.
Eyni zamanda qeyd olunur ki, telekanalın mədəniyyət departamentindən 40 nəfər işdən çıxarılıb. Onların əksəriyyəti isə operatorlarlardır. Mart ayının 1-dən sonra yenidən ixtisarların olması gözlənilir.
Kanalda yayımlanan “Ekstrasens", "Pərdə", "Rəngarəng", "Qızıl Pillə", "Bəyəndim" kimi şou xarakterli verilişlər ləğv edilir, sadəcə “Solo” verilişi qalacaq.
Sevinc İltifatqızı
“Lider”də 40 nəfər işdən çıxarıldı
18 Fevral 2014
Oxunub:1247
Vaxtında, Aydın, Lazımlı!
