FHN hesabat verdi - 24 nəfər yanaraq ölüb

FHN hesabat verdi - 24 nəfər yanaraq ölüb
  19 Aprel 2017    Oxunub:1693
2017-ci ilin I rübü ərzində respublika ərazisində 2269 təbii və texnogen mənşəli hadisə baş verib ki, bu da 2016-cı ilin I rübü ilə müqayisədə 625 hadisə və ya 38% çoxdur.
AzVision.az xəbər verir ki, bu barədə Fövqəladə hallar Nazirliyinin bu ilin I rübünə dair statistik məlumatında qeyd edilib. Məlumatda bildirilib ki, baş vermiş təbii və texnogen mənşəli hadisələr nəticəsində 31 nəfər həlak olub, 106 nəfər xəsarət alıb. Nazirliyin xilasediciləri tərəfindən 21 nəfər xilas edilib, 376 nəfər təxliyə olunub.

2017-ci ilin I rübü ərzində baş vermiş yanğınların aradan qaldırılması üçün daxil olmuş müxtəlif çağırışlar üzrə operativ olaraq 2204 çıxış edilib,

Onlardan: Çoxmənzilli yaşayış binalarında və fərdi evlərdə yanğınlar – 621 çıxış;
Açıq sahələrdə yanğınlar – 996 çıxış;
Nəqliyyat vasitələrində yanğınlar – 73 çıxış;
Meşə və meşə talalarında yanğınlar - 1 çıxış;
Digər yanğınlar - 513 çıxış təşkil edib.

Yanğın hadisələri zamanı 24 nəfər həlak olub, 64 nəfər xəsarət alıbır ki, bu da ötən ilin I rübü ilə müqayisədə yanğından həlak olanlar üzrə 7 nəfər və ya 41%, xəsarət alanlar üzrə 35 nəfər və ya 121% çoxdur. Yanğınların söndürülməsi zamanı 20 nəfər xilas edilib, 353 nəfər təhlükəsiz ərazilərə təxliyə olunub. 2017-ci ilin I rübü ərzində respublika ərazisində 31 partlayış hadisəsi baş verib ki, bu da 2016-cı ilin I rübü ilə müqayisədə 10 hadisə və ya 48% çoxdur. Partlayışlar zamanı 7 nəfər həlak olub, 42 nəfər xəsarət alıb.

Aytən Zəhra
AzVision.az


Teqlər: FHN   Yanğın   Fəlakət  





Xəbər lenti


Azvision.az ©2014 | Bütün hüquqları qorunur