Astarada 5 uşaq atası intihar edib

   Astarada 5 uşaq atası intihar edib
  16 Fevral 2019    Oxunub:2759
Astarada 51 yaşlı kişi intihar edib. Hadisə rayonunun ucqar dağ kəndi olan Hamuşamda baş verib.
Kənd sakini, 51 yaşlı İlqar Nəhmətov yaşadığı evin həyətindəki tövlədə kəndirlə özünü asıb. Hadisədən mərhumun həyat yoldaşı xəbər tutub və polisə məlumat veriblər.

Meyit müayinə olunmaq üçün Məhkəmə Tibbi-Ekspertiza və Patoloji Anatomiya Birliyinin Lənkəran rayon şöbəsinə təhvil verilib. Mərhumun yaxınlarının sözlərinə görə, intiharın səbəbi məlum deyil. Onlar bildiriblər ki, İlqar Nəhmətov normal həyat tərzi sürüb, psixoloji cəhətdən də hər hansı bir problemi olmayıb. Mərhumun meyit daxili və xarici müayinə olunduqdan sonra ailəsinə təhvil verilib.

Uzun illər Rusiya Federasiyasında yaşayan İ.Nəhmətov ailəli olub və 5 övladı var. Faktla bağlı Astara Rayon Prokurorluğunda cinayət işi açılıb, araşdırma aparılır.

Azvision.az



Teqlər: Astara   İntihar  





Xəbər lenti