"Namizədlərin təşviqat kampaniyası üçün lazımi addımlar atılıb" - Rövzət Qasımov

 "Namizədlərin təşviqat kampaniyası üçün lazımi addımlar atılıb" -   Rövzət Qasımov
  18 Yanvar 2020    Oxunub:4922
"Milli Məclisə seçkilərlə əlaqədar təşviqat kampaniyasının aparılmasına dünəndən başlanılıb və Mərkəzi Seçki Komissiyası bütün namizədlərin bərabər şərtlərə dayanan təşviqat kampaniyasının keçirilməsi üçün lazımi bütün addımları atıb".
Azvision.az xəbər verir ki, bunu jurnalistlərə açıqlamasında Mərkəzi Seçki Komissiyası (MSK) sədrinin müavini Rövzət Qasımov bildirib.

R. Qasımov deyib ki, bütün seçki dairələr ərazisində, hətta bütün rayonlar ərazisində açıq və qapalı yerlər müəyyənləşdirilib. Ümumilikdə respublika üzrə 270 açıq və qapalı yer müəyyən edilib:

“Həmin yerlər də namizədlərin sərəncamındadır. Namizədlər dairə seçki komissiyalarına məlumat verməklər həmin yerlərdən çətinlik olmadan istifadə edə bilərlər. Eyni zamanda, ödənişli təşviqatla da bağlı MSK-ya təxminən 40 KİV müraciət edib. Namizədlər həmin KİV-lərin imkanlarından da bərabər şəkildə istifadə edə bilərlər”.

Elvin Abdulqədirov
Azvision.az




Teqlər: MSK   RövzətQasımov  





Xəbər lenti