ABŞ kəşfiyyatına işlədiyi iddia edilən jurnalist Xədicə İsmayılova dünən özünün facebook səhifəsində müxalifətin “casus siyahısı” ilə bağlı sensasion sənəd yerləşdirib. Xədicə İsmayılovanın yazdığına görə mətbuatda böyük qalmaqala səbəb olan siyahı ona 2011-ci ildə MNT-in hansısa keçmiş işçisi tərəfindən ötürülüb.
AzVision.az Milli Təhlükəsizlik Nazirliyindən (MTN) münasibət öyrənib. MTN-in İctimai Əlaqələr Mərkəzinin rəhbəri Arif Babayev saytımıza açıqlamasında nazirliyin belə məsələyə münasibət bildirmədiyini qeyd edib:
“Biz qəzet yazılarına və jurnalist fikirlərinə şərh vermirik”,-deyə A.Babayev əlavə edib.
Xatıradaq ki, Eynulla Fətullayev rəhbərlik etdiyi virtualaz.org saytında sensasion sayıla biləcək məqalə ilə çıxış edib. "Tam məxfi: ABŞ kəşfiyyatçıları və Xədicə İsmayılovanın casus hesabatı..." adlı yazıda Xədicə İsmayılovanın hazırladığı bildirilən hesabatda hakimiyyətə çalışan siyasətçilərin adları qeyd edilib. Sözügedən məsələ siyasi arenada böyük rezonans yaradıb.
Sevinc İltifatqızı
MTN-dən “casus siyahısı” ilə bağlı AÇIQLAMA
17 Fevral 2014
Oxunub:1473
Vaxtında, Aydın, Lazımlı!
