Bu gün yerli mətbuatda Bakı meri Hacıbala Abultalıbovun oğlu İsrafil Abutalıbovun sələfi təriqətinə mənsub olduğu və Suriyaya döyüşlərə getdiyi barədə iddialar yayılıb. Bu iddialara azərbaycanlı sələfilərin lideri, “Əbu Bəkir” məscidinin şeyxi Hacı Qamət Süleymanov münasibət bildirib.
O, AzVision.az-a açıqlamasında deyib ki, İsrafil Abutalıbovun Suriyaya getməsi xəbərinin həqiqət olduğunu düşünmür: “Yalan məlumatdır. Məncə o elə insan olmaz”.
İ.Abutalıbovla şəxsən tanışlığının olub-olmadığına gəlincə isə, Hacı Qamət deyib ki, onu bir neçə dəfə məsciddə görüb: “Şəxsən tanışlığım yoxdur. Bir neçə dəfə İlahiyyat məscidində görüb salamlaşmışam. Kim olursa olsun mənim camaatla yaxından tanışlığım yoxdur”.
Hacı Qamət vurğulayıb ki, namaz qılmaq hamının borcudur: “Biz qeyri-adi bir şey deyilik, sələfilərik. Amma namaz qılmaq hamının borcudur. Onun dəqiq hansı təriqətin üzvü olduğunu bilmirəm. Amma müsəlman kimi namaz qılır, burada nə var ki?”
Fatimə Kərimli
Sələfi lideri Hacıbala Abutalıbovun oğlundan danışdı
20 Fevral 2014
Oxunub:6955
Vaxtında, Aydın, Lazımlı!
