Separatçıların keçmiş "müdafiə naziri" dindirilmələrə cəlb edilib

Separatçıların keçmiş "müdafiə naziri" dindirilmələrə cəlb edilib
  18 Noyabr 2022    Oxunub:817
Qarabağda mövcud olmuş keçmiş separatçı rejimin "müdafiə ordusu"nun eks-komandanı, general-leytenant Mikael Arzumanyana qarşı açılan cinayət işi çərçivəsində 2015-2018-ci illərdə bu vəzifəni tutmuş digər keçmiş komandan Levon Mnatsakanyan da dindirilib.
AzVision.az xəbər verir ki, bu barədə Ermənistanın “Joğovurd” qəzeti məlumat yayıb. Nəşr yüksək rütbəli hərbçinin dindirilməsindən xəbər tutsa da, Mnatsakanyanın hansı statusda dindirildiyini öyrənə bilməyib.

Separatçı generallar İrəvanda ağır qəzaya düşdülər
Məqalə müəllifi generaldan məlumatı dəqiqləşdirməyə çalışıb. Lakin açıqlama cəhdləri boşa çıxıb.

Qeyd edək ki, bundan əvvəl mətbuatda məlum iş üzrə separatçıların rəhbəri Arayik Arutyunyanın da dindirilməsi ilə bağlı məlumatlar yayılmışdı. Arzumanyan avqustun 30-da 44 günlük müharibə zamanı Şuşanın müdafiəsini təşkil edərkən hərbi vəzifələrin yerinə yetirilməsində səhlənkarlığa yol verməsində ittiham edildi. O, sentyabrın 1-də həbs olunub.

Xatırladaq ki, Levon Mnatsakanyan bir neçə gün öncə İrəvanda ağır qəzaya düşməsi ilə də gündəm olmuşdu.
Tural Tağıyev
AzVision.az



Teqlər:   Ermənistan   General  





Xəbər lenti


Azvision.az ©2014 | Bütün hüquqları qorunur