AzVision.az xəbər verir ki, o, Ermənistan hakimiyyətinin faktiki olaraq Qarabağın Azərbaycanın tərkibində olmasına razılaşdığını deyib.

Eks-diplomat indiki proseslərdə təhlükəli tendensiyalar gördüyünü qeyd edib. Vardanyan belə hesab edir ki, Azərbaycanla sülh müqaviləsinin hazırda cəmiyyətə təqdim olunan formada imzalanması Qarabağın müstəqilliyi ilə bağlı istənilən perspektivin üstündən xətt çəkəcək.

"Mişel Azərbaycan və Ermənistan liderlərini görüşə dəvət edib" - Prays

Oskanyan onu da vurğulayıb ki, hakimiyyət üçün Xankəndinin sənədlərlə-sübutlarla Azərbaycana verilməsini gizlətmək çox çətin olacaq. Məsələ burasındadır ki, Azərbaycan heç vaxt qeyri-müəyyən mətnli sənədi imzalamayacaq. Əksinə, Bakı Qarabağdan imtinanın kağız üzərində qeyd olunmasını tələb edəcək. Ola bilsin ki, Ermənistan hakimiyyəti Qarabağ itkisini Bakı ilə Xankəndi arasında başlanacaq dialoqla bağlı rəvayətlərlə ört-basdır etməyə çalışsın. Bu, İrəvanda belə təəssürat yaratmağa imkan verəcək ki, guya Qarabağ ermənilərinin hələ də seçim və qərar vermək imkanı var. Əslində, isə Oskanyan belə ssenaridə Qarabağ ermənilərinin taleyinin Cavaxetiyadakılar (Gürcüstanda ermənilər yaşayan rayon – red.) kimi olacağını düşünür. 10-15 ildən sonra isə Naxçıvan muxtariyyətinin oxşarı yaranacaq.

Oskanyan əlavə edib ki, əvvəlki Ermənistan rəhbərlərindən heç kim Qarabağın Azərbaycanın tərkib hissəsi olması perspektivini nəzərdən keçirməyib. Həm birinci, həm ikinci, həm də üçüncü prezidentlər son nəticədə bir məqsədi güdüblər - gec-tez Qarabağ Ermənistanın tərkibinə daxil olmalı idi.

Sabiq nazir gələcək barədə sərsəmləməyi də unutmayıb. O iddia edib ki, hazırkı rəzil durumlarına baxmayaraq guya danışıqlar masası arxasında cəsarət göstərmək və təşəbbüsü ələ almaqla vəziyyəti xeyirlərinə düzəltmək olar.
Oskanyanın 90-cı illərdə qalan ağlı ilə verdiyi məsləhəti isə belədir ki, "İrəvan indi heç bir sənədə imza atmamalıdır. Danışıqların gündəliyini genişləndirməlidir. Azərbaycan özünün ərazi bütövlüyünün tanınması məsələsini qaldırarsa, ekstraterritorial dəhliz tələb edərsə, anklavlardan danışarsa, o zaman İrəvan cavab olaraq Hadrut və Şuşa məsələlərini, məhkumların qaytarılmasını qaldırmalıdır". Görünür Oskanyan Şuşa və Hadrutdan danışaraq yenidən iddialar səsləndirərkən 44 günlük müharibənin erməni xalqı üçün necə nəticələndiyini unudub.

Tural Tağıyev
AzVision.az