Dehli indi də İrəvana səhiyyə sahəsində dəstəklər verir

Dehli indi də İrəvana səhiyyə sahəsində dəstəklər verir
  02 May 2023    Oxunub:1213
Ermənistan və Hindistan səhiyyə sahəsində ikitərəfli əməkdaşlıqda yeni səhifə açacaq bir sıra sazişlər imzalayacaqlar. AzVision.az xəbər verir ki, bu barədə Ermənistanın Səhiyyə Nazirliyi məlumat yayıb.
Sənədlərin imzalanması səhiyyə naziri Anahit Avanesyanın Hindistana səfəri zamanı nəzərdə tutulub. Səfərin detalları isə erməni nazirin hindistanlı səfir Nilakşi Saha Sinha ilə görüşündə müzakirə olunub.

Papikyan Hindistan səfiri ilə hərbi məsələləri müzakirə edib
Bildirilib ki, sazişlərdən biri Ermənistanın əczaçılıq sahəsində potensialının artırılmasına yönəlib. İkinci saziş iki ölkənin müvafiq idarələri arasında səhiyyə və tibb sahəsində əməkdaşlığa aid olacaq.

"Ölkələrimiz arasında siyasi dialoqun səviyyəsi çox yüksəkdir. Ümid edirəm ki, Ermənistandakı fəaliyyətiniz də bu potensialın konkret sahələrdə reallaşmasına töhfə verəcək", - erməni nazir yeni müttəfiqlərini tərif edərkən qeyd edib.

Qeyd edək ki, Hindistan İkinci Qarabağ müharibəsindən sonra Ermənistana nəinki iqtisadi-sosial, hərbi-siyasi sahədə də aktiv dəstək verir. Dehlinin İrəvana mütəmadi olaraq silah sursat satması isə daha çox diqqət çəkir.

Tural Tağıyev
AzVision.az



Teqlər:   Hindistan  





Xəbər lenti


Azvision.az ©2014 | Bütün hüquqları qorunur