“Artıq Putinə zəng etməyin mənası yoxdur” - Erməni deputat

“Artıq Putinə zəng etməyin mənası yoxdur” - Erməni deputat
  11 Sentyabr 2023    Oxunub:1153
“Lavrov daim ölkəmizi məhv etmək istəyib. Onun planlarında ermənipərəstliyə dair nişanə olmasını görmüsünüzmü?".
AzVision.az xəbər verir ki, bunu Ermənistan parlamentinin hakim partiyadan olan deputatı Qaqik Melkonyan deyib.

Rusiyadan Paşinyana xəbərdarlıq: "Son dərəcə narazıyıq!"
O, Rusiyanın xarici işlər naziri Sergey Lavrovun KTMT qüvvələri ilə bağlı razılaşma haqqında dünənki bəyanatına münasibət bildirib. Hansı ki, Lavrov açıqlamasında İrəvanı tənqid edərək erməni həmkarlarının son anda tədbiri ləğv etdiyini deyib.

Deputatın sözlərinə görə, "Rusiya Federasiyası həmişə bizə yerimizi göstərib, kimlərlə dostluq edə biləcəyimizi, kimlərə isə əksinə davranacağımızı deyib".

Jurnalist "dünən Paşinyan müxtəlif ölkələrin liderləri ilə telefonla sərhəddəki vəziyyəti müzakirə etdi. Amma Putinlə danışmadı. Niyə?" sualı da ünvanlayıb.

Paşinyanın deputatı bu suala belə cavab verib: “Artıq 2-3 dəfə ölkəmizə qarşı "eskalasiya olub", müttəfiqlərlə əlaqə saxladıq. Nə KTMT, nə də Rusiya Federasiyası cavab verdi. Dedilər ki, bunlar sərhəd döyüşləridir. Onlarla əlaqə saxlamağın, zəng etməyin mənası yoxdur”.

Tural Tağıyev
AzVision.az



Teqlər:   Ermənistan   Rusiya  





Xəbər lenti


Azvision.az ©2014 | Bütün hüquqları qorunur