Ermənistanın baş naziri hibrid müharibədən gileyləndi

Ermənistanın baş naziri hibrid müharibədən gileyləndi
  22 Sentyabr 2023    Oxunub:1160
Ermənistanın baş naziri Nikol Paşinyan Nazirlər Kabinetinin iclasında çıxışı zamanı ölkəsinə qarşı hibrid müharibəsi aparılmasından gileylənib.
O qeyd edib ki, hibrid müharibəsi ilk növbədə informasiya sahəsində müşahidə olunur.

Paşinyanın məsləhəti isə belədir ki, "Qarabağdakı vəziyyət kontekstində mümkün qədər diqqətli olmaq və cəmiyyətlə daim təmasda qalmaq lazımdır. Hər şey edilməlidir ki, vətəndaşların rəsmi məlumatlara inamı olsun".

Paşinyan: "Ermənilərin Qarabağdan çıxarılması kimi planımız yoxdur"
Baş nazir Qarabağda yaşayan ermənilərinin həyatına birbaşa təhlükə olmaması ilə bağlı dünən verdiyi bəyanatı xatırladıb. Onun sözlərinə görə, hazırda da bu cür qiymətləndirmə qüvvədə qalır. Lakin vəziyyətin dinamikasına görə hər şey dəyişə də bilər və təhlükənin olmaması o demək deyil ki, ayrıca kiçik insidentlər baş verə bilməz. Söhbət ümumi vəziyyətdən gedir.

"İnsanların düzgün məlumat almasını təmin etmək üçün biz media ilə fəal əməkdaşlıq etməliyik. Hazırkı emosional vəziyyətdə istənilən neqativ informasiya vəziyyətə və qərar qəbul etmə prosesinə eyni dərəcədə mənfi təsir göstərə bilər. Ona görə də təsdiqlənmiş məlumatlara əsaslanan media ilə fəal əməkdaşlığın qiymətləndirilməsi vacibdir”, - deyə o əlavə edib.
Tural Tağıyev
AzVision.az



Teqlər:   Ermənistan   Baş-Nazir   Qarabağ  





Xəbər lenti


Azvision.az ©2014 | Bütün hüquqları qorunur