Rusiya XİN: "Erməni xalqının rifahı üçün hər şey etmişik"

Rusiya XİN: "Erməni xalqının rifahı üçün hər şey etmişik"
  27 Sentyabr 2023    Oxunub:1103
Rusiya Ermənistanla müttəfiqlik münasibətlərində həmişə ehtiyatlı davranıb.
AzVision.az xəbər verir ki, bunu Rusiya Xarici İşlər Nazirliyinin nümayəndəsi Mariya Zaxarova brifinq zamanı deyib.

Zaxarova Qarabağ ermənilərinə başsağlığı verdi
Diplomatdan Moskvanın 25 sentyabr tarixli bəyanatında yer alan mesajları İrəvanın eşitib-eşitmədiyi soruşulub. Zaxarova qeyd edib ki, Ermənistan tərəfi ilə müxtəlif səviyyələrdə təmaslar davam edir.

"Biz gözləyirik ki, siqnallarımız eşidiləcək və lazımi şəkildə qəbul ediləcək. Bir çox mənalarda bu, bizim cavab reaksiyamız sayılırdı", - o, Xarici İşlər Nazirliyinin bəyanatını şərh edərkən deyib.

XİN rəsmisi xüsusi olaraq vurğulayıb ki, ölkəsi Ermənistanla müttəfiqlik münasibətlərinə həmişə qayğı ilə yanaşıb, onların kəskinləşməsinin təşəbbüskarı olmayıb: "Moskva erməni xalqının rifahı üçün hər şeyi edib və bundan sonra da belə olacaq. Rusiya Federasiyası bütün ikitərəfli razılaşmaların iki xalqın maraqlarına uyğun həyata keçiriləcəyini gözləyir".

Tural Tağıyev
AzVision.az



Teqlər:   Rusiya   Ermənistan  





Xəbər lenti


Azvision.az ©2014 | Bütün hüquqları qorunur