AzVision.az xəbər verir ki, erməni saytları və Qazeta.ru generala yaxınlığı ilə seçilən “Vətəndaş şüuru” ictimai təşkilatının rəhbəri Narek Samsonyana istinad ediblər. Samsonyan Facebook səhifəsində status yazaraq iddia edib ki, hərbi cani Qarabağdan Ermənistana keçmək istəyərkən keçid məntəqəsində saxlanılıb.

Separatçıların keçmiş "müdafiə naziri" dindirilmələrə cəlb edilib

"Daha bir "qalib general" (Birinci Qarabağ müharibəsində iştirakı nəzərdə tutur-red.) düşmən tərəfindən "əsir" götürüldü. Mən şübhə etmirəm ki, general Mnatsakanyan və Ruben Vardanyan satqın rejimimizin birbaşa göstərişi və razılaşmaları ilə ələ keçib”, - o yazıb.

Qeyd edək ki, Mnatsakanyan 2015-2018-ci illərdə qondarma rejimin "müdafiə ordusu"nun rəhbəri olub. Narek 2016-cı ildə Azərbaycanın qələbəsi ilə başa çatan dörd günlük Aprel döyüşləri zamanı məğlub "komandan" kimi nüfuzdan düşmüşdü. O, 2017-ci ildə Azərbaycanın ünvanına hədə dolu açıqlamalar vermişdi. Hərbi cani növbəti atəşkəs pozuntusu zamanı işğal zonalarını daha da artıracaqlarına dair sərsəm fikirlər səsləndirmişdi.

General sonralar "Fövqəladə Hallar Nazirliyi"nin və "polis"ə rəhbərlik edib.

Tural Tağıyev
AzVision.az