Qarabağda ölmüş əsgər bir aydır morqda "yatır" - İrəvan dəfnə icazə vermir

Qarabağda ölmüş əsgər bir aydır morqda "yatır" - İrəvan dəfnə icazə vermir
  25 Oktyabr 2023    Oxunub:1056
Ermənistanda növbəti dəfə əsgər ölümləri ilə bağlı qalmaqal yaranıb. AzVision.az xəbər verir ki, Ermənistan parlamentinin keçmiş deputatı Naira Zöhrabyan ötən ay ölmüş əsgərin hələ də basdırılmaması barədə məlumat yayıb.
O, Facebook hesabında paylaşım edərək yazıb ki, əsgərin basdırılmamasına səbəb hökumətin ona Yerablur panteonunda yer ayırmamasıdır.

Erməni deputat çürümüş əsgərin fotosunu paylaşdı
"Bu, kimin məsuliyyət daşıdığını bilmədiyim bir problemdir. Qarabağda yanacaqdoldurma məntəqəsində baş vermiş məlum partlayış nəticəsində əsgər Erik Martirosyan da ölüb. Erikin yaxınları böyük çətinliklə onun cəsədini tapa biliblər və cəsəd qalıqları hələ də morqda "yatır". Valideynlər əsgəri basdıra bilmirlər. Ailə uşağı Yerablurda dəfn etmək istəyir. Lakin onlara icazə verilmir", - eks-deputat gileylənib.

Zöhrabyan qeyd edib ki, "əgər əsgər hansısa səbəbdən faciəli şəkildə ölürsə, bu hətta yanacaqdoldurma məntəqəsində baş verən partlayış olsa belə onun Yerablurda dəfn olunmasına qadağa qoyulması üçün hər hansı bir səbəb olmalıdır. Səbəb varsa, bunu ailəyə başa salardınız ki, insanlar meyiti bir ay morqda saxlamayardılar”.

Xatırladaq ki, sentyabrın 25-də Xankəndi yaxınlığındakı yanacaqdoldurma məntəqələrindən birində onlarla insanın ölümü iə nəticələnən güclü partlayış olmuşdu.

Qeyd edək ki, Zöhrabyan İkinci Qarabağ müharibəsindən sonra əsgər valideynləri və ölən ermənilərlə bağlı yaranmış saysız problemləri gündəmə daşıyır.

Tural Tağıyev
AzVision.az



Teqlər:   Əsgər   Ermənistan   Deputat  





Xəbər lenti


Azvision.az ©2014 | Bütün hüquqları qorunur