Bu il 2 mindən çox məmur Ukraynadan qaçmağa cəhd edib

Bu il 2 mindən çox məmur Ukraynadan qaçmağa cəhd edib
  27 Oktyabr 2023    Oxunub:1233
İlin əvvəlindən 2 mindən çox ukraynalı dövlət qulluqçusu sərhədi qanunsuz keçməyə cəhd edib.
AzVision.az xəbər verir ki, bu barədə TSN agentliyi ölkənin Dövlət Sərhəd Xidməti rəsmisi Andrey Demçenkoya istinadən məlumat yayıb.

Kiyev şokda: Hökumətdə rusların agent şəbəkəsi ifşa edildi- VİDEO
O qeyd edib ki, "Hazırda bu rəqəm 2100 nəfərə çatıb".

Dövlət Sərhəd Xidmətinin nümayəndəsinin sözlərinə görə, məmurlar sərhəddən keçid qaydalarını pozublar. O, həmçinin keçid məntəqələrindən kənarda sərhədi qanunsuz keçmə cəhdlərinin sayının “bir qədər artdığını” vurğulayıb.

Qeyd edək ki, 2022-ci ilin fevralından Ukraynada ümumi səfərbərlik müddəti dəfələrlə uzadılıb. Hərbi yaşda olan kişilərin xidmətdən yayınmasının qarşısını almaq üçün onların xaricə getməsi qadağan edilir.

Xatırladaq ki, Ukrayna müharibəsi başlayandan ölkədən qaçmağa cəhd edən xeyli sayda vətəndaş saxlanılıb. Ukrayna Təhlükəsizlik Xdiməti (UTX) hətta məmurlar arasında xeyli sayda rus agentini və ya hərbi sirrləri yayan vətən xainlərini ifşa edən əməliyyatlar reallaşdırıb.

Tural Tağıyev
AzVision.az



Teqlər:   Ukrayna   Sərhəd   Məmur  





Xəbər lenti


Azvision.az ©2014 | Bütün hüquqları qorunur